မိမိရဲ့ အိမ်ဘေးမှာ အဆောက်အအုံဆောက်တဲ့အခါ မိမိအိမ်ကို ထိခိုက်ရင် ဘယ်လိုလုပ်နိုင်လဲ ?

အဆောက်အဦး အက်ကွဲသွားသည်ဆိုလျှင် အက်ကွဲသွားသည့်အဆောက်အဦကို ဖာတေးပေးခြင်း၊ ပြန်အချောသတ်ပေးခြင်းဖြင့် ကျေနပ်လက်ခံလိုမရပါဘူး မလုံလောက်ပါဘူး။ တိမ်းဆောင်းသွားလျှင် မည်မျှ တိမ်းဆောင်းသွားလည်း တိမ်းဆောင်းမှုသည့် အန္တရာယ်ရှိနိုင်သလား စသည်တို့ကို စစ်ဆေးရန်လိုအပ်ပါမည်။

တိုက်ဆောက်သည့်အခါတွင် စည်ပင်သာယာရေးကော်မတီ၊ အဆောက်အအုံဌာနတွင် အဆောက်အဦဆောက်လုပ်ခွင့် ခွင့်ပြုမိန့်တင်ပြီး ဆောက်လုပ်ရတာဖြစ်ပါတယ်။ ထိုသို့ဆောက်လုပ်တဲ့အခါ မှာ ဘေးအဆောက်အဦကို မထိခိုက်အောင်၊ မပျက်ဆီးအောင် ဘယ်လိုလုပ်မလဲ၊ အကယ်၍ဖြစ်ပွားလျှင် မည်သို့ တာဝန်ယူမလဲစသည့် စည်းကမ်းချက်တွေရှိပါသည်။

မြေတူးခြင်းကြောင့် တိမ်းဆောင်းသွားခြင်း၊ အဆောက်အဦကွဲအပ်ခြင်းများ ဖြစ်ပေါ်လာမည်ဆိုလျှင် နစ်နာသူမှ စည်ပင်သာယာရေးကော်မတီ၊ အဆောက်အအုံဌာနသို့ တင်ပြရမည်ဖြစ်ပြီး တင်ပြချက်အပေါ် စည်ပင်သာယာရေးကော်မတီမှ အင်ဂျင်နီယာများမှ ထိုသို့စည်းကမ်းချက်တွေကို မလိုက်နာ၍ ဖြစ်ပေါ်လာသည့် နစ်နာမှုတွေကို စုံစမ်းစစ်ဆေးပြီး နစ်နာမှုအပေါ် တန်ဖိုးဖျက်သတ်မှတ်ပေးသည့် အဖွဲ့ရှိပါသည်။ ထိုသို့ စည်ပင်သာယာရေးကော်မတီ၊ အဆောက်အအုံဌာနမှ ဆုံးဖြတ်ပေးသည့်အပေါ် မလုံလောက်ဘူး၊ အကျေနပ်နိုင်ဘူးဆိုလျှင် ပြင်ပလိုင်စင်ရအင်ဂျင်နီယာနဲ့ ထိခိုက်မှုကိုတွက်ချက်ပြီး အထောက်အထားရယူ တရားစွဲဆိုရမှာဖြစ်ပါသည်။ တရားစွဲဆိုသည့်အခါ တရားရုံးမှ ထိခိုက်သွားသည့်အပေါ်တွင် သင်လျော်သည့်လျော်ကြေး သတ်မှတ်ပေးမှာဖြစ်ပါသည်။ အကယ်၍ အဆောက်အဦခိုင်ခံမှုကိုများစွာထိခိုက်သည် ဆိုလျှင်တော့ ယင်းစားပြန်ပေးရန် တောင်းဆိုနိုင်မှာဖြစ်ပါသည်။

Credit to original uploader