အဆောက်အအုံတစ်ခုလုံးကို ပုံစံအမျိူးမျိူး ပြောင်းလဲအသုံးပြုခြင်း

အဆောက်အအုံတစ်ခုလုံးကို ပုံစံအမျိူးမျိူး ပြောင်းလဲအသုံးပြုခြင်း

              အဆောက်အအုံတစ်ခုလုံးကို ဆောက်လုပ်ကြရာ၌ ရည်ရွယ်ချက် သီးခြားစီရှိကြစမြဲဖြစ်သည်။ဟော်တယ်အတွက်လား၊ လူနေတိုက်ခန်းအတွက်လား၊ရုပ်ရှင်ရုံလား၊ဟောပြောပွဲခန်းမလား စသဖြင့် ကွဲပြားသည်။

              ဗိသုကာ ပညာရှင်နှင့် ဆောက်လုပ်ရေးအင်ဂျင်နီယာများသည် ရည်ရွယ်ချက်ကိုလိုက်၍ ဒီဇိုင်းနှင့် ဖွဲ့စည်းပုံ(Structure)တို့ကို လိုက်၍ ရည်ရွယ်ချက်မျိူးစုံ A multi-purposeအတွက် ပြောင်းလဲ အသုံးပြုရခြင်းမျိူး မျက်​မှောက်ခေတ်တွင် ခေတ်စားလာသည်။

             ဥပမာ-လူနေထိုင်ရန် အဓိက တည်ဆောက်ထားသော အိမ်ရာများမှာ ထိုဒေသ၏ ခရီးသွားလုပ်ငန်းစည်ပင် ဖွံ့ဖြိုးလာပါက ထိုအိမ်ရာများကို အခန်းဖွဲ့စည်းပုံပြောင်းလဲ၍ ဟော်တယ်ခန်းများ အဖြစ် အသုံးပြုလာကြသည်။ဈေးကွက်ကိုလိုက်၍ အသုံးပြုပုံပြောင်းလဲသွားခြင်းဖြစ်သည်။

           တောင်ကိုရီးယားနိူင်ငံမှာတော့ တစ်မျိူးဖြစ်သည်။တစ်ကိုယ်တည်းသမား အရေအတွက် မြင့်တက်လာသည်။သူတို့အဖို့ သင့်တင့်သောဈေးနှုန်းဖြင့် အိမ်ခန်းရရှိရန် အခက်အခဲကြုံလာကြရသည်။အစိုးရက အိမ်ခြံမြေဈေးနှုန်းကို မထိန်းချုပ်ပေးနိူင်ခြင်း အပေါ် အများပြည်သူတို့ ဒေါသထွက်လာသည်။ဤတွင် အစိုးရအဖွဲ့ရှိ အခြေခံအဆောက်အအုံနှင့် ပို့ဆောင်ဆက်သွယ်ရေးဝန်ကြီးက အစီအမံတစ်ခုကို တင်ပြသည်။ဟိုတယ်အလွတ်များနှင့်ရုံးခန်း အလွတ်များကို အစိုးရကဝယ်ယူသွားမည်ဖြစ်ပြီး၊အခန်းဖွဲ့စည်းပုံအရ တိုက်ခန်းငယ်လေးများ အဖြစ် အသွင်ပြောင်းမည်ဟုဆို၏။ဤနည်းဖြင့် တစ်နှစ်အတွင်း အိမ်ခန်းပေါင်း ၁၁၄၀၀၀ တိုးလာမည်။တကိုယ်ရေသမားနှင့်မိသားစုများအတွက် အရည်အသွေးမြင့်ပြီး၊ဈေးနှုန်းသင့်တင့်သော အိမ်ခန်းများအဖြစ် ပြောင်းလဲပေးမည့်အစီအစဉ်ဖြစ်သည်။