ငွေမပေးရတဲ့အပြင် ငွေပါရဦးမည့် ဟိုတယ်မှာ အိပ်စက်သူ

ငွေမပေးရတဲ့အပြင် ငွေပါရဦးမည့် ဟိုတယ်မှာ အိပ်စက်သူ

                Tielle Love Luxury ကုမ္ပဏီသည် “လီနင်စ”ထုတ်လုပ်သော ကုမ္ပဏီဖြစ်ပြီး ကြယ်ငါးပွင့်အဆင့်ရှိ ဟိုတယိကြီးများတွင် အိပ်ယာပေါင်း ၁-သန်းကျော်အတွက် အိပ်ယာခင်းစများ တာဝန်ယူပေးသည်။ဧည့်သည်များအတွက် အကောင်းဆုံးသော မျက်နှာသုပ်ပဝါ၊ရေချိူးပြီးစ ဝတ်သည့်ဝတ်ရုံနှင့်စားပွဲခင်းများပါ ပေးထားသည်။

               ဟိုတယ်တွင် တည်းခိုသောဧည့်သည်များက ဟိုတယ်ဝန်ထမ်းများအား မကြာခဏမေးတတ်သောမေးခွန်းမှာ ဟိုတယ်တွင်အိပ်သည့်အရသာမျိူး အိမ်တွင်ရအောင် မည်သို့လုပ်ရမည်နည်းဟူသော မေးခွန်းဖြစ်သည်။ ကုမ္ပဏီကလည်း အွန်လိုင်းစတိုးဖွင့်ပြီး ဟိူတယ်သုံးအရည်အသွေးရှိ လီနင်အိပ်ယာခင်းများကို ရောင်းချပေးသည်။

               လီနင်စ ကုမ္ပဏီက ဟိုတယ်ကြီးများရှိ အိပ်ယာများတွင် စမ်းသပ်အိပ်စက်ပေးမည့်လူကို ရှာဖွေခဲ့သည်။အရွေးခံရသူသည် ခရီးသွားစရိတ်သာမက တစ်ညအိပ်ခ ပေါင်၂၀၀ရရှိမည်ဖြစ်သည်။ထိုသူသည် ကုမ္ပဏီထုတ်လီနင်သား အိပ်ရာခင်းစကို ဝေဖန်သုံးသပ်ပေးရမည်ဖြစ်ပြီး၊ လက်ရှိထက် ပိုမိုအိပ်ကောင်းစေရန် မည်သို့ပြင်သင့်ကြောင်း အကြံဉာဏ်ပေးရမည်ဖြစ်သည်။

               သူများတွေက ဟိုတယ်အကောင်းစားတွင် တည်းခိုအိပ်စက်ပါက အဖိုးအခအကြီးကြီးပေးရသော်လည်း၊ယခု ရွေးချယ်ခံရသူကတော့ ဟိုတယ်အကောင်းစားတွင် တည်းခိုအိပ်စက်ခွင့်ရပြီး သွားလာစရိတ်သာမက အိပ်စက်ခအဖြစ် ပေါင်၂၀၀ပင် ရရှိမည်ဖြစ်သည်။