နိုင်ငံဝန်ထမ်းအငှားအိမ်ရာဖွင့်ပွဲ ကျင်းပတော့မည်

နိုင်ငံဝန်ထမ်းအငှားအိမ်ရာဖွင့်ပွဲ ကျင်းပတော့မည်
____________________________________________
               ရန်ကုန်မြို့ရှိ နိုင်ငံဝန်ထမ်းများ အိမ်ငှားစရိတ် ကုန်ကျမှုများမှသက်သာစေရန် ဆောက်လုပ်ရေးဝန်ကြီးဌာန မြို့ပြနှင့် အိမ်ရာနှင့်ဖွံ့ဖြိုးရေးဦးစီးဌာနမှ တည်ဆောက်သော ဒဂုံဆိပ်ကမ်းမြို့နယ်ရှိ အိမ်ရာဖွင့်ပွဲအား ဇန်နဝါရီလ ၂၈ရက်၌ ကျင်းပမည်ဖြစ်သည်။

               ရန်ကုန်တွင်တာဝန်ထမ်းဆောင်နေသောနိုင်ငံဝန်ထမ်းများအား အရာထမ်းဖြစ်လျှင် လစာ၏ ၅ရာခိုင်နှုန်း ဝန်ထမ်းဖြစ်လျှင် လစာ၏ ၃ရာခိုင်နှုန်းသာကျသင့်မည်ဖြစ်ဖြစ်သောကြောင့် အိမ်ငှားနေထိုင်ခြင်းဖြင့် ဝင်ငွေဆုံးရှုံးမှုများသက်သာစေရန် စီစဥ်ထားကြောင်းသိရသည်။

              ရန်ကုန်တိုင်းဒေသကြီး အစိုးရအဖွဲ့မှ အိမ်ခန်းနေရာချထားရေးကော်မတီဖွဲ့စည်းကာ တာဝန်ထမ်းဆောင်သောဌာနများနှင့်ညှိနှိုင်း၍ နေရာချထားပေးမည်ဖြစ်ကြောင်း၊ တိုက်ခန်း ၁၄လုံးတွင် အိမ်ခန်း ၄၇၆ လုံးပါဝင်မည်ဖြစ်ကြောင်း မြို့ပြနှင့် အိမ်ရာဖွံဖြိုးရေးဦးစီးဌာန ဒုတိယ ညွှန်ကြားရေးမှုးချုပ် ဦးမြင့်နိုင်မှ ပြောကြားခဲ့သည်။
ထိုအိမ်ရာ ရှစ်ခန်းတွဲ ငါးထပ်တိုက်နှင့် ၃၄ခန်းပါ တိုက်ခန်းများပါဝင်သည်။အခန်းတိုင်း၏အကျယ်အဝန်းမှာ စတုရန်းပေ ၄၈၀ စီကျယ်ဝန်းသည်။

              ဝန်ထမ်းများ သွားလာနေထိုင်မှုအဆင်ပြေစေရေးအတွက် ရန်ကုန် အရှေ့ပိုင်းခရိုင် ၊အနောက်ပိုင်းခရိုင်၊တောင်ပိုင်းခရိုင်နှင့်မြောက်ပိုင်းခရိုင်တို့၌ နိုင်ငံဝန်ထမ်းအငှားအိမ်ရာများတည်ဆောက် ပါက ပိုမိုအဆင်ပြေစေမည်ဖြစ်သည်။