ဒုတိယရန်ကုန်မြို့ (သို့) ရန်ကုန်မြို့သစ်စီမံကိန်း

by sithumin
October 5, 2020
Latest News, Real Estate News
0

ဒုတိယရန်ကုန်မြို့ (သို့) ရန်ကုန်မြို့သစ်စီမံကိန်း

ကြည့်မြင်တိုင်တစ်ဖက်ကမ်း ဆိပ်ကြီးခနောင်တိုနှင့် တွံတေးမြို့နယ်ရှိမြို့သစ်စီမံကိန်းကြီး ပေါ်ထွက်လာဖို့ နီးကပ်လာပြီဖြစ်ပါသည်။ ထို့ကြောင့် ရင်းနှီးမြှုပ်နှံသူများအနေနှင့်လည်း စီမံကိန်းကြီးကို အမြန်ဆုံး ပေါ်ထွက်လာစေဖို့မျှော်လင့်လျက်ရှိသည်ဟု အိမ်ခြံမြေအကျိုးဆောင်လုပ်ငန်းရှင်များထံမှ unionhousemyanmar.com သို့ပြောကြားသည် စီမံကိန်းကြီး၏ အကျယ်အဝန်းကို ယခင်ကြံခိုင်ရေးအစိုးရလက်ထက်တွင် စုစုပေါင်း ဧရိယာ ဧက ၃၀၀၀၀ ဟုရည်ရွယ်ခဲ့သည်။ ထိုသတင်းကြားသည့်အချိန်တွင် မြေကွက်အရောင်းအဝယ်များသည်လည်း အားကောင်းလိုက် ရပ်ဆိုင်းလိုက် ဖြစ်နေခဲ့သည်။

မြေဧက အကျယ်အဝန်း
ယခင်အစိုးရလက်ထက်တွင် စီမံကိန်းဧရိယာမှာ ၃၀၀၀၀ ဖြစ်သော်လည်း နောက်ဆုံးသိရှိချက်အရ ၁၆၀၀၀၀ ကျော်အထိ လုပ်ဆောင်မည်ကို လွှတ်တော်တွင် အတည်ပြုခဲ့သည်။

စီမံကိန်းအတွက် ကုမ္မဏီ များရွေးချယ်ခြင်း
ယခင်အစိုးရလက်ထက်ရွေးချယ်ခဲ့သည့် ကုမ္မဏီများကို ဖျက်သိမ်းပြီး ယခုအစိုးရလက်ထက်တွင် NYDC ( New Yangon Development Company ) တည်ထောင်ကာ တရုတ်အစိုးရ၏ နောက်ခံကုမ္မဏီဖြစ်သော China Communication Construction Company (CCCC) ကိုရွေးချယ်အတည်ပြု လက်မှတ်ရေးထိုးခဲ့ပါသည်။

ရန်ကုန်တိုင်းအစိုးရမှ မြေပိုင်ရှင်များထံ 20% ဂရုဏာကြေးပေးပြီး
ယခုအခြေအနေတွင် အစိုးရမှ RA(1), RA(2), RA(3), RA(4), RA(5) ဟုနယ်မြေများသတ်မှတ်ပြီး မြေယာလုပ်ဆောင်မှုအတွက် သက်ဆိုင်ရာမြေဧက ပိုင်ရှင်များ၊ လယ်သမားများကို မြေဧကပိုင်ဆိုင်မှု၏ 20% ပြန်လည်ပေးအပ်ပြီးဖြစ်သည်။

စီမံကိန်းအတွက်လမ်းပန်းဆက်သွယ်ရေး
စီမံကိန်းတွင်လမ်းအကျယ်အဝန်းကတော့ ၁၂မီတာ မှ ၁၀၀မီတာ အထိ ရှိပြီး ပန်းလှိုင်မြစ်ကူးတံတားတစ်စီးနှင့် ကြည့်မြင်တိုင်မြစ်ကူးတံတားတစ်စီးတည်ဆောင်မည်ကိုလည်း လွှတ်တော်မှအတည်ပြုခဲ့သည်ဖြစ်သည်။

ယခုလက်ရှိစီမံကိန်းခြေအနေအရ RA(1) မှ RA(5) အထိ အစိုးရမှ စီမံကိန်းအတွက် မြေယာရယူမှု၏ ဂရုဏာကြေး 20% ပေးပြီးပြီဟု သတင်းများရအပြီးတွင် အရောင်းအဝယ်များလည်း ဖြစ်နေသည်ဟု စီမံကိန်းအတွင်းလယ်သမားများနှင့် တွံတေးမြို့နယ်ရှိ အိမ်ခြံမြေအကျိုးဆောင်များထံမှ unionhousemyanmar.com သို့ပြောကြားခဲ့သည်။

သတင်းရယူသူ
unionhousemyanmar.com